girl love

Sukh sang pura jug hai, dukh sang kaun chala hai yaaron
Foot Foot jo rota dikhta, khud se aaj mila hai yaaron ♥

Dushman ban jb paar na paaya, bankar dost chhla hai yaaron
Angaaro se bach nikla jo, gul se magar jala hai yaaron ♥

Pyaar ki raah me kaante paaye, jo bhi idhr chala hai yaaron
Ek baar sir chadh na utre, ulfat ek blaa hai yaaron ♥

Bus uska hi dil na pighla, paththar tak pighla hai yaaron
sabse preet ki reet na nibhti, yeh bhi ek kala hai yaaron ♥

mujhpe aaj nasha chaya hai, uska jikra chala hai yaaron
Jisne jeevan bhar tadpaya, lagta bahut bhala hai yaaron ♥

Bharam badhega dheere dheere, sajne husn chala hai yaaron
Darpan seerat nhi deekhata, sabko bahut chhala hai yaaron ♥

Saagar se wo hi milta hai, jo parvat sda galaa hai yaaron
Jisne ujiyaare failaaye, wo khud bahut jlaa hai yaaron ♥