paint luv

Zindagi agar khwaab hai to isme kya bura hai
Aakhir khwaabo ko bhi humne dekha hai chalte hue
Woh jo door se dikhta ban, sapna muskura kar
Aaj hakikat ban baitha hai, bus rang badlte hue ♥

Sapno ke paav nahi hote, to bhi chal jaate hai
Chutki bajate hi badal jaate hai mukkadar soye hue
Chalna hi fitrat hai agar, to fir rukna kaisa
Gir gir kar bhi badh jaate hai log, yu sambhalte hue ♥

Kyaas yeh hai ki jeet hogi ya fir hogi haar
Kyu khelte ho mohare, dhadkano ko duboye hue
Maidaane jung hai zindagi, yu hakikat se kya sharmana
Kile fateh kar jaate hai kuch ghutno par chalte hue ♥

Shukra hai kuch to hai paas tumhaare aaj dene ke liye
Aashaye chalati hai zindagi, gumo ko gale lagate hue
Maana ki safar kathin hai aur manzil bhi hai door
Samay badal hi jaayega, yu hi karvat badalte hue ♥