love untold

Jaise jaise teri bhi seerat sanwarti jaayegi
Khusbuoo sa dur tak tujhko hawa failayegi ♥

Band hai jo khirdkiya tum jitna khologe unhe
Roshni ghar me tere bhi utni hi badhti jaayegi ♥

Paas me jo rung hai khwaabo mein dhang se bharo
Dheere dheere ek haseen tasvir banti jaayegi ♥

Tum hukumat khud pe karna seekh loge jitna hi
Saltanat duniya me teri utni hi badhti jaayegi ♥

Falsafaa tera agar hoga na jeevan se jurra
Teri har ek soch bus bakwaas ban rah jaayegi ♥

Gaflaton me ji ke khud ko sikandr mat samajh
Khali hathon jindagi ek din fanaa ho jayegi ♥

Is jahaan ki behtari ke vaaste kuch kar gujar
Jaane fir ye jindagi haath aayegi na aayegi ♥